ALGEMENE KENMERKE VAN DWAALINGE EN AFGODSDIENSTE

ALGEMENE KENMERKE VAN DWAALINGE EN AFGODSDIENSTE

 

 a. Daar is ‘n groot verskeidenheid van afgodsdienste en dwalinge wat verkondig word, elkeen het sy eie karaktertrekke en ontstaan. Vele het hulle ontstaan uit reeds bestaande gelowe gehad, maar het dan wysigings daaraan gebring en ‘n nuwe “geloof” of “groep”  tot stand gebring.

 b. Vanuit die Christelike standpunt van geloof in die Drie-Enige-God wat Homself aan ons in Christus en sy geskrewe woord openbaar, gebruik ons die Skrif as maatstaf om alle leringe te beoordeel:

·         Hand 17:11 En hierdie mense was edelmoediger as dié in Thessaloníka; hulle het die woord met alle welwillendheid ontvang en elke dag die Skrifte ondersoek of hierdie dinge so was.

c. Somtyds is dit nie so maklik om te sien wat die ware wese of kern van die “godsdiens” of “groep” of “geloof” is nie. Baie kom op die oogaf goed en reg voor en daarvoor is ‘n dieper ondersoek nodig. (Om net hulle byeenkomste by te woon help nie veel nie)

 d. Ons kan na die volgende sake oplet wanneer ons ‘n “godsdiens”,  “kerk”, “groep”, “geestelike organisasie” of  “lering” evalueer.

1. Vrae die volgende  vrae:

·         Wat is die gesaghebbende bron wat gebruik word vir lering?

·         Wie is die God wie aanbid word?

·         Wie is Christus volgens  hulle?

·         Wie mag deel word van die groep of godsdiens?

·         Wat is die vereistes vir ‘n persoon wat deel wil word van die groep/godsdiens/kerk?

 Probeer om die antwoorde nie by die lede self te kry nie, maar vra na hulle geskrifte, dokumente, kategismus, ensomeer wat dit uitspel.

2. Let op na die leierskap samestelling, en optrede van die organisasie, godsdiens of groep. Gevaartekens kan die volgende wees:

·         Lering en gesag is gesetel in een persoon.

·         Lering en gesag is gesetel in die leierskapgroep.

·         Die woord van die leier of leiers mag nie bevraagteken word nie.

·         Die leier of leiers ontvang openbaringe direk van God af.

·         Die ontvangs van openbaringe van engele aan die leier of leiers (Gal 1:8).

·         Gee die leier/leiers waarborge van ewige saligheid.

·         Kan jy jou “redding”/”saligheid” verloor indien jy jou nie aan die leierskap onderwerp nie?

 

3. Let op die beheer en dissipline wat op lede uitgeoefen word:

·         Geen ander literatuur as die van die godsdiens/groep/kerk mag gelees word nie.

·         Lede word verbied om met gewese lede, wat die groep/godsdiens/kerk verlaat het, kontak te maak.

·         Verhoudings met ouer/vriende moet verbreek word indien hulle teen “lidmaatskap” by die groep/godsdiens/kerk is.

·         Tug en dissipline deur die leierskap toegepas moet sonder voorbehoud aanvaar word.

·         Lede wat die lering en  of die leiers se optrede bevraagteken word as afvalliges, of swak gelowiges gebrandmerk.

·         Lede word geindoktrineer, gemanipuleer, emosioneel afgepers of gedreig

·         Lede word fisies beperk van vrye beweging.

·         Toestemming moet by die leierskap gekry word, voordat vriendskapverhoudinge,  vakansies, huwelike, saketransaksies, ensomeer  gereël, beplan of aangegaan mag word.

·         Word lede met dreiging, afpresing, agressie gekonfronteer indien hulle van die leier/leiers of die groep/godsdiens/kerk verskil?

 

4. Let op wyse wat met finansies omgegaan word:

·         Verpligte afgeforseerde bydraes moet gemaak word.

·         Leringe is deurspek met verwysings na finansies.

·         Geen rekenskap word deur die leier/leiers gegee rakende die groep/godsdiens/kerk se bestuur van die finansies nie.

·         Is die leier/leiers besig om homself/hulself te verryk?

·         Word beloftes van gewaarborgde finansiële voorspoed voorgehou indien gereelde bydrae gemaak word?

·         Word waarskuwinge van katastrofiese teëspoed voorgehou indien nie gereelde bydrae gemaak word?

·         Kan jy skipbreuk ly aan die ervarings van wonderwerke, genesing, ensomeer indien jy nie finansiële bydrae gee nie?

·         Kyk jou redding ingedrang kon indien jy nie finansiële bydrae gee nie?

 

5. Let op na die groep/godsdiens/kerk:

·         Beskou hulle hulself as die enigste ware geloof?

·         Beskou hulle hulself as die mondstuk van God?

·         Beskou hulle hulself as moreel hoër dan ander godsdienste/kerke?

·         Let op die gebruike en rituele in die groep/godsdiens/kerk.

·         Let veral op na die leringe in die kerke.

e. Let op die volgende Skrifte en tree inooreenstemming daarmee op

·         1 Joh 4:1 Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.

·         2 Pet 2:1 Maar daar was ook valse profete onder die volk, net soos daar onder julle valse leraars sal wees wat verderflike ketterye heimlik sal invoer, en ook die Here wat hulle gekoop het, verloën en 'n vinnige verderf oor hulleself bring;

·         Markus 13:22 Want daar sal valse christusse en valse profete opstaan, en hulle sal tekens en wonders doen om, as dit moontlik was, ook die uitverkorenes te mislei.

·         Matt 7:22&23 Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? 23 En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!

·         Hand 20:30 Ja, uit julle self sal daar manne opstaan wat verkeerde dinge praat om die dissipels weg te trek agter hulle aan.

·         Matt 7:15 Maar pas op vir die valse profete wat in skaapsklere na julle kom en van binne roofsugtige wolwe is.

·         2 Kor 11:3&4 Maar ek vrees dat, net soos die slang Eva deur sy listigheid bedrieg het, julle sinne so miskien bedorwe kan raak, vervreemd van die opregtheid teenoor Christus. 4 Want as iemand kom en 'n ander Jesus verkondig as wat ons verkondig het, of as julle 'n ander gees ontvang as wat julle ontvang het, of 'n ander evangelie as wat julle aangeneem het, laat julle jul dit goed geval.

DIE WARE EVANGELIE VAN JESUS CHRISTUS - OPSOMMEND  

ROM 3:23 - Almal het gesondig, ook jy.

ROM 6:23 - Die ewige lewe is 'n vryegawe van God, ook vir jou.

ROM 5:8 - Omdat Jesus ons liefhet, het Hy aan die kruisgesterf en die prys vir ons sonde betaal.
ROM 10:9-10 - Glo met jou hart in Jesus en dat God Hom uit die dode opgewek het en bely dit met jou mond.
ROM 10:13- Vra die Here God om jou te red en Hy sal.
 

KOPIEREG EN REGSTELLINGS:

• Ons is nie bewus van enige kopiereg op inligting gebruik in hierdie blog nie. Indien u oor inligting beskik verwittig ons asb.
• Indien daar enige regstellings op inligting in hierdie blog nodig is, verwittig ons asb.

 

 

DIE KATOLIEKE GELOOF

DIE KATOLIEKE GELOOF

Kom ons bespreek die Katolieke leer na aanleding van een van hulle eie geskrifte - Christ Among Us: A Modern Day Presentation Of The Catholic Faith en gee dan net nog ‘n paar voorbeelde van hul geloof vanuit die praktyk.

Kan ons met die volgende saam stem? Is dit wat God se Woord leer?

Let op die leringe van die Katolieke kerk. (Bladsy nommers word aangetoon)

CHRIST AMONG US: A MODERN DAY PRESENTATION OF THE CATHOLIC FAITH

P37 - Die vloed van Noag en die Toring van Babel is simboliese stories.

P67 - Maria het ‘n maagd gebly haar lewe lank.

P91 - Kan u saamstem met die “Hail Mary” gebed ?

P91 - Maria is sondeloos?

P141/2 - Die Pous die opvolger van Petrus en God se verteenwoordiger op aarde ?

P148 - Christus se onfeilbare leiding is oorgeplaas op die Pous en die biskoppe.

P164 - Die Katolieke Bybel het in die OT sewe meer boeke as ander Bybels.

P168 - Die Bybel kannie sonder die lewende tradisie van die kerk verstaan word nie.

P190 - Die doop “Christening” maak ons een met Christus en ‘n nuwe mens.

P191 - Die doop gee nuwe lewe aan die wat dit nie het nie.

P191 - Deur die doop vergewe Jesus ons sonde.

P196 – Omdat ons by die doop ‘n nuwe mens word, kan ons ook ‘n nuwe naam kry, die van ‘n heilige.

P199/200 - Daar is ander maniere om met God verenig te word buiten die doop - die “baptism of desire” en die “doop in jou eie bloed”

P200 – Mense kan tot God kom deur nie-Chrsitelike gelowe.

P200 - Die Katoliekekerk verwerp niks wat heilig is in ander gelowe nie.

P200 - Al glo jy nie in ‘n persoonlike God nie en jy lewe volgens jou gewete dan is dit reg.

P231/2 - By die doop word ons “weergebore” en by ons bevestiging (confirmation) ontvang ons die Heilige Gees.

P244&P246 - Wanneer die priester die woorde: “This is My body...” oor die brood en wyn uiter, verander die brood en die wyn in die bloed en liggaam van Christus.

P276 - Deur die nagmaal baie te gebruik word jy gaande weg in Christus verander.

P276 - Deur die nagmaal baie te gebruik kan jy sondige begeertes onderbeheer bring.

P290 – Jy kan opmaak vir jou sonde deur goeie dade, aanbidding, die Mis, belydenis en ander dade.

P291 – Ons kan opmaak vir die sonde van ander wat in die vagevuur is, deur ons dade.

P298 – Ons moet ons sonde aan die priester bely.

P307 - Van die maniere om boetedoening te doen vir jou sonde is - vas en onthouding.

P307 - Die beste manier van boetedoening vir jou sonde is, om goedheid aan ander te bewys, asook welsynswerk.

P368 - Maria is gebore sonder sonde en het ‘n maagd gebly haar lewe lank.

P368 - Maria is in die hemel opgeneem, liggaam en siel.

P370 - Maria is ons “mediatrix”, “co-redemptrix” en “Queen”

P418/9 - Die vagevuur is ‘n pynvolle staat of plek waar ons die Here ontmoet na ons dood. Hier maak ons op vir ons sonde deur in liefde te groei. (Jy kan jouself nie hier help nie, maar die wat op aarde is kan vir jou opmaak)

P420 - Diegene in die vagevuur kan nie opmaak vir hulle sonde nie, maar ons wat lewe kan hulle help om gouer in die hemel te kom deur vir hulle te bid en die Mis te offer namens hulle en deur ander goeie dade namens hulle te doen.

P424 - Ons het die verantwoordelikheid om ‘n nuwe hemel en aarde te skep, ons het die verantwoordelikheid om dit te vervolmaak.

P425 - Die hemel is nie ‘n plek nie, maar ‘n perfekte eenheid met God.

 KATOLIEKE GESKIEDENIS EN GELOOFSGEBRUIKE IN DIE PRAKTYK

Die afgodsaanbidding van Maria, waarvan daar derduisende getuienis in die parktyk is in die wêreld. (Ek noem net ‘n paar.)

·         Die beeld van Maria wat per boot deur die vissershawens reis om die vissermanne te kom seën vir die jaar wat voorlê.

·         Die Skildery “Swart Madonna” wat deur Pole reis, van een stad na die ander, en nagte van gebed vir die mense inlei.

·         Beeldjies van Katolieke heiliges wat verkoop word en gebruik word om genesing te bring, vele getuienis daarvan, uit die mond van Katolieke self.

 

Let net op die feeste wat vir Maria (Madonna) gehou word – Ek noem net ‘n paar:

·         Our Lady of Mount Carmel:

·         Madonna del Soccorso di Sciacca:

·         Madonna of Piedigrotta.

·         Madonna di Corsignano

·         Madonna del Soccorso

·         Madonna Di Montevergine

·         Virgin of Candelaria

·         Our holy Lady of Guadalupe

 Oor die onfeilbaarheid van die Pous en die menige afskuwelike sondes wat deur Pouse gepleeg is deur die eeue heen, wil ek nie hier op ingaan nie, gaan lees dit in die geskiedenisboeke self.

Veel meer kan van die Katolieke geloof gesê word. Maar ek sal volstaan.

Let op wat leer hulle van hulself en vergelyk dit met die Bybel en jy sal self tot die slotsom kom – Die Katoliekegodsdiens is ‘n afgodsdiens, want verlei mense. Dit lei mense weg van redding en saligheid in Christus Jesus.

Mense wat vasgevang is in die leer van die Katolike Kerk is net soos ander mense wat nog nie die reddendegenade van Jesus Christus ervaar het nie.  Hulle moet nie beskou word as 'n vyand wat vermy moet word nie, maar eerder as verlore mense oppad na 'n ewige verdoemenis.  Dit is die verantwoordelikheid en voorreg van elke gelowige om alle mense van die reddende genade van Christus te vertel.
 

 BESOEK OOK DIE VOLGENDE BLOGS - https://romanchatholicchristian.blogspot.co.za/
http://romanchatholicchristian.blogspot.co.za/2017/08/christ-among-us.html

http://romanchatholicchristian.blogspot.co.za/2017/08/maryology.html

http://romanchatholicchristian.blogspot.co.za/2017/08/popes-example.html

 

DIE WARE EVANGELIE VAN JESUS CHRISTUS - OPSOMMEND

 

ROM 3:23 - Almal het gesondig, ook jy.                           

ROM 6:23 - Die ewigelewe is 'n vryegawe van God, ook vir jou.

ROM 5:8 - Omdat Jesus ons liefhet, het Hyaan die kruisgesterf en die prys vir ons sonde betaal.

ROM 10:9-10 - Glo met jou hart in Jesus en dat God Homuit die dode opgewek het en bely dit met jou mond.

ROM 10:13- Vra die Here God om jou te red en Hy sal.