“SACRED NAMES” BEWEGING

“SACRED NAMES” BEWEGING

 

a. Daar word deesdae geleer dat ons moet die regte naam vir Jesus gebruik naamlik YESHUA/YAHSHUA. Selfs op Radio kansel was dit deur sommige sprekers verkondig. Dit is ook in omloop in die dorpe in ons omgewing en in ons land.

b. Waar kom dit vandaan?

• Hierdie mense staan eerder bekend as die Sacred Name Movement en is verwant aan die Hebrew Roots Movement, wat wil hê dat die Sabbat weer gevier moet word, asook al die Joodse feeste, ook dat alle mans weer besny moet word, ensomeer. - Hierdie sg vereiste was reeds deur die kerk gehanteer, soos opgeteken in Hand 15

c. Hierdie, Sacred Name Movement het onstaan uit die Church of God (Seventh Day) in the 1930s onder C. O. Dodd. Hulle het weer onstaan na aanleiding van die leringe van Joseph Franklin Rutherford die stigter van die Jehovah's Witnesses

·         Die Assemblies of Yahweh, Bethel, Pennsylvania, was later deur Jacob O. Meyer begin en vandaar het die lering versprei.

·         Dit het later ook sommige Pinkster kerke bereik – Bv “The House of God” ‘n sewende dag Pinkster organisasie  gestig in 1918 deur  R. A. R Johnson

d. Ek glo dat baie mense vandag nie eens weet waar die dwaling vandaan kom nie.  Hulle het Spreuke 30:4 sogenaamd bestudeer en tot ‘n slotsom gekom:

·         Spr 30:4 Wie het na die hemel opgeklim en neergedaal? Wie het die wind in sy vuiste versamel? Wie het die waters in 'n kleed saamgebind? Wie het al die eindes van die aarde vasgestel? Hoe is sy Naam? En hoe is die Naam van sy Seun--as jy dit weet?

e. En nou is dit noodsaaklik dat die regte name vir God gebruik moet word, nl Yaweh en Yahshua, volgens hulle laster jy indien jy dit nie so gebruik nie.

 f. Verskeie “Sacred Name” Bybels is dan ook geproduseer, pasop daarvoor:

·         The Word of Yahweh
·         The Scriptures

·         Restoration of Original Sacred Name Bible

·         Angelo Traina's Holy Name Bible, Sacred Name King James Bible

·         Sacred Scriptures, Family of Yah Edition

·         Sacred Scriptures Bethel Edition

·         Restoration Study Bible (RSB) RSB online

·         HallleluYah Scriptures (HS) [1]

·         Hebrew Roots Version, A Literal Translation

·         Names of God Bible, by Ann Spangler this version comes in two editions either as God's Word Translation or King James Version.

·         World English Bible

 Kom ons let egter net op die volgende vier punte:

 

1. DIE WOORD YESHUA (YAHSHUA) IN DIE OT

 a. Nêrens in die OT, in die Hebreeus, waar die woord Yeshua gebruik word dui dit op Jesus nie

b. In die OT was die naam YESHUA(YAHSHUA) die van Josua ook genoem  Hosea

·         Num 13:16 Dit is die name van die manne wat Moses gestuur het om die land te verken; En Moses het Hoséa, die seun van Nun, Josua genoem

·         1 Kron 7:27 sy seun was Nun, sy seun Josua.

c. Regdeur die OT is die naam van Josua in die Hebreeuse taal “Jehoshua” YESHUA (YAHSHUA)

·         Nêrens in die OT verwys die naam YESHUA (YAHSHUA) na Jesus die Christus nie

2. DIE WOORD JESUS IN DIE OT

 a. In die OT kom die woord Jesus nie voor nie, want die woord is ‘n Griekse woord en die OT was in Hebreeus geskryf.

b. By die vertaling egter van die OT in Grieks kom dit wel heel dikwels voor.

·         Elke keer wanneer daar na Josua verwys word sy naam in Grieks vertaal met die woord Jesous

c. In die Griekse vertaling van die OT lees ons

·         Josua 1:1 En ná die dood van Moses, die kneg van die HERE, het die HERE met Jesus, die seun van Nun, die dienaar van Moses, gespreek en gesê:

·         Josua 1:10 Toe het Jesus aan die opsigters van die volk bevel gegee en gesê:

·         Josua 1:12 En aan die Rubeniete en Gadiete en die halwe stam van Manasse het Jesus dit gesê:

·         Josua 1:16 Toe het hulle Jesus geantwoord en gesê: Alles wat u ons beveel het, sal ons doen, en oral waarheen u ons stuur, sal ons gaan.

·         Josua 24:1 Daarna het Jesus al die stamme van Israel byeen laat kom in Sigem, en hy het die oudstes van Israel en sy hoofde en sy regters en sy opsigters laat roep, en hulle het hul voor die aangesig van God gestel.

·         Josua 24:28 Toe het Jesus die volk laat gaan, elkeen na sy erfdeel toe.

·         Josua 24:29 En ná hierdie dinge het Jesus, die seun van Nun, die kneg van die HERE, gesterwe, honderd en-tien jaar oud.

 d. Dit is dus vanuit die konteks duidelik dat hierdie YESHUA (YAHSHUA) nie Jesus Christus die Seun van God is nie, maar Josua die seun van Nun

·         Die Jesus in die Griekse  OT is nie Jesus Christus die Seun van God nie.

·         Ook is die YESHUA (YAHSHUA) in die Hebreeus OT nie Yeshua die Seun van God nie.

 e. Die boek Joshua se naam, nadat dit vanuit Hebreeus na Grieks vertaal is, staan bekend as “Jesus van Navi”

f. Dus selfs in die Griekse vertaling van die OT verwys die woord Jesus nie een keer na Jesus Christus die Seun van God nie, maar na Josua die seun van Nun.

3. DIE WOORD JESUS (Ιησοῦς) IN DIE NT

a. In die Griekse NT word die woord Jesus, hoofsaaklik gebruik vir Jesus Christus die Seun van God, maar nie net gebruik wanneer van Jesus Christus gepraat word nie.

b. Ook Josua word Jesus genoem in die NT.

·         Die vertalers het om gehelp om vanuit die konteks in die boek Hereërs, die onderskeid te maak, deur die woord daar (Jesous)  in die NT, waar dit op Josua dui, te vertaal nie na Jesus nie, maar na Josua.

·         Dus lees ons Heb 4:8 4:8 Want as Josua aan hulle rus gegee het, sou Hy nie van 'n ander dag daarná spreek nie.

c. Wanneer jy egter die Grieks lees in die NT in die boek Hebreërs 4:8 staan daar:

·         Heb 4:8 Want as Jesus (Ιησοῦς) aan hulle rus gegee het, sou Hy nie van 'n ander dag daarná spreek nie.

d. Die Jesus van Heb 4:8 is nie Jesus Christus die Seun van God is nie, maar Josua die seun van Nun

e. In Kol 4:11 lees ons van nog ‘n Jesus,  wie nie Jesus Christus die Seun van God is nie.  - “ook Jesus wat Justus genoem word, manne wat uit die besnydenis is. Hulle alleen is my medewerkers vir die koninkryk van God en hulle was 'n troos vir my.”

f. Op die ander plekke is in die NT dit wel Jesus Christus die Seun van God. 

 

4. DIE WOORD YESHUA (YAHSHUA) IN DIE NT

 a. In die Grieks, in die NT, kom die woord Yeshua (Yahshua) nie voor nie, want dit is ‘n Hebreeuse woord.

·         Wanneer die Jode, wat Hebreeus gepraat het, ook in die tyd van die NT, na Jesus verwys het, was Sy naam wel Yeshua (Yahshua).

·         Net soos wat Joshua se naam in Hebreeus Yeshua was en in die Grieks Jesus (Ιησοῦς)  was

b. Toe die Griekse NT in Hebreeus vertaal word, word daar dus van die woord Yeshua (Yahshua) gebruik gemaak, want dit is die naam wat aan Jesus gegee was, volgens die opdrag aan Josef en Maria

·         Matt 1:21 en sy sal 'n seun baar, en jy moet Hom Jesus noem, want dit is Hy wat sy volk van hulle sondes sal verlos.

·         Luk 1:30 En die engel sê vir haar: Moenie vrees nie, Maria, want jy het genade by God gevind.  1:31 En kyk, jy sal swanger word en 'n Seun baar, en jy moet Hom Jesus noem.

c. Dus sal jy in die Hebreeuse NT die woord Yeshua (Yahshua) volop vind, op elke plek waar daar na Jesus verwys word.

d. In die NT is dit  die konteks wat bepaal van watter Jesus daar gepraat word, Jesus ook genoem Josua of Jesus die Christus die seun van God

e. So ook in die Hebreeuse vertaling van die NT is dit  weereens die konteks wat bepaal van watter Yeshua (Yahshua)  daar gepraat word, Yeshua (Yahshua) vertaal as Josua, asook Yeshua (Yahshua) met verwysing na Jesus Christus die Seun van God.

f. Yeshua (Yahshua) is die naam van Jesus Christus die Seun van God in Hebreeus.

·         Sy Griekse naam (Ιησοῦς)

·         Sy Afrikaanse naam Jesus

·         Sy Engelse naam Jesus

·         Sy Zulu Naam Jesu

·         Sy Duitse en Koreaanse naam Yesu

·         Braziliaanse naam Yesu,

·         Almal verwysende na Jesus

5. MAAR WAT IS DIE REDE VIR DIE GEBRUIK VAN DIE SG REGTE NAAM VAN JESUS YESHUA (YAHSHUA) EN YAHWEH

a. Lering volgens hierdie dwaling, is die volgende, ek som op:

·         Gedurende die laaste dae het daar profetiese woorde uitgegaan dat die Antichris die naam van Jesus sal gebruik gedurende die groot verdrukking. Van dan af gaan YAHUVEH (JHWH) (DIE HERE GOD) nie meer enige gebede beantwoord wat in die naam van Jesus gebid word nie.

b. Jy moet die geheiligde name van YAHWEH of YAHUSHUA gebruik om jou gebede beantwoord te kry.

c. Wanneer die naam van Jesus Christus hardop in gebed gebruik word, sal die Antichris deur sy onheilige mag weet waar Christene is, so kan hulle dan opgespoor word.

d. Sommige van hulle leer:

·         Alhoewel Jesus Christus en YAHUSHUA dieselfde persoon is, beide die Seun van YAHUVEH. Is dit so dat in die eindtyd daar meer gesalfde krag sal wees wanneer in die Heilige Hebreeuse Naam Yahushua gebid sal word.

e. Ander leer - Deur die woord (verwysende na God en Jesus) waarvan die Engelse vertalers  gebruik maak, maak hulle die Skrif pervers en breek hulle die derde gebod van die wet

 f.  Hulle glo:

·         Dat die korrekte uitspreek van die Heilige Naam noodsaaklik is vir redding, en moet in aanbidding gebruik word.

·         Groot en wonderlike dinge word belowe vir gelowiges wat kom in die naam van Yahshua. ‘n Seën word uitgespreek oor hulle wat dink in die naam van Yahshua .

·         Dat in hierdie naam die oorwinning oor satan behaal word.

·         Jy sal nie gespaar word van die groot verdrukking indien jy nie in die naam van Yahweh en Yahshua roep nie.

·         Dit is die enigste weg to redding.

·         Tensy jy nie in die Heilige Naam bid nie sal jy nie gered word nie en die ewige lewe verkry nie.

g. Let op wat word gesê; hulle sluit selfs by die okkulte aan:

·         The one common denominator in all magic is that words, names, and sounds have special powers when applied particularly to gods, angels, and demons. These powers could be employed if one knew the name and how to pronounce it. The ancient widespread belief was that a secret name can have power over the universe, and this belief was especially held by the Jews who frequently used the name of God in practicing magic. This was why the pronunciation of the Tetragrammaton was so important. The correct pronunciation was absolutely required for working magic (The Supernatural-Magic, Words, Numbers, Editorial Consultants: Colin Wilson and Uri Geller, page 68).

h. Hulle sluit by die Joodse Talmud aan:

·         The Talmud does not hesitate to state the importance of magic in the names of God. All who knew their combinations could perform miracles (The Jewish Encyclopedia, article, “Names of God”).

i. Van hulle leer:

·         Die wonderwerke wat Jesus gedoen het was omdat Hy die geheime van Egipte bestudeer het. Jesus het krag verkry omdat Hy die geheime Naam gesteel het, die Naam was gevgraveer op die klip wat Jakob met olie gesalf het. Twee wreede honde het die klip bewaak. Jesus het hulle uitoorlê, toe het Hy die woorde op ‘n perkament geskryf.  Hy het ‘n gat in Sy bobeen gesny en die perkament daarin versteek. Toe Hy die naam uitgespreek het was die wond genees. (A History of Magic, by Eliphaz Levi, page 17). (The Talmud Unmasked, by I. B. Pranaitis, pages 34-35).

·         Om die Heilige Naam uit te spreek is gelykstaande aan die teenwoordigheid, krag en glorie van die persoon.

j. Let ook op hierdie uitspraak:

·         Sacred Name literature says much about the names and titles of God, Jesus, Christ, and Lord. They are firmly convinced these names are pagan in origin.

·         Sommige leer dat die naam  “Christus ” eintlik van die Indiese god Khrishna kom.

·         Ander maak ‘n konotasie tussen Jesus en die afgod Yes. Die naam Yes is ‘n ander naam vir Bacchus, die drankgod. Deur die letters sus tot Yes te voeg kom jy by die woord Jesus uit. Dus is die woord Jesus ‘n heidense woord. 

Hiermee wil ek vir eers volstaan.

 

DIE WARE EVANGELIE VAN JESUS CHRISTUS - OPSOMMEND  

ROM 3:23 - Almal het gesondig, ook jy.

ROM 6:23 - Die ewige lewe is 'n vryegawe van God, ook vir jou.

ROM 5:8 - Omdat Jesus ons liefhet, het Hy aan die kruisgesterf en die prys vir ons sonde betaal.
ROM 10:9-10 - Glo met jou hart in Jesus en dat God Hom uit die dode opgewek het en bely dit met jou mond.
ROM 10:13- Vra die Here God om jou te red en Hy sal.
 

KOPIEREG EN REGSTELLINGS:

• Ons is nie bewus van enige kopiereg op inligting gebruik in hierdie blog nie. Indien u oor inligting beskik verwittig ons asb.
• Indien daar enige regstellings op inligting in hierdie blog nodig is, verwittig ons asb.



 

DIE MOSLEM GELOOF

DIE MOSLEM GELOOF

Daar word vanuit verskeie kringe beweer en deesdae sterk gepromofeer, dat die Moslem geloof en die Christen-Judeo geloof dieselfde wortels het. Dit is van alle waarheid ontbloot.

Vanuit Abraham het twee nasies ontstaan, die Jode en die Arabiere, maar nie twee gelowe nie. Dit is wel waar dat die meeste Arabiere wel die Moselmgeloof aanhang. Tog is die meeste Moselms nie uit die Arabiere, maar uit ander nasies, bv, in lande soos Pakistan, Turkye, Indonesië, Afrika, vele word ook in Europa gevind.

Die Moslem geloof het sy ontstaan eers gehad in 600 NC toe ‘n man wat eens ‘n Koptiese Christen was die geloof begin het.

Volgens die Moslem tradisie word Mohammed (c. 570 – June 8, 632)  gesien as die laaste van ‘n reeks profete. Gedurende die laaste 22 jaar van sy lewe, toe hy 40 jaar oud was in 610 NC het hy volgens oorlewering ‘n aantal openbaringe van god ontvang. Dit deurmiddel van die aardsengel Gabriel (Jibril). Hy het die inhoud van die openbaring opgeteken bekend as die Koran.

Die meeste Moslems behoort of aan die Sunni (75–90%) of aan die Shia (10–20%).

Ongeveer 13% van die Moslems woon in Indonesië,die grootste Moslemland in getalle, 25% woon in Suid  Asië,  20% in die Midde Ooste, en 15% in Sub-Sahara Afrika.Daar is ook groot hoeveelde Europa, Sjina, Rusland en in die Amerikas. Daar is Moslems in feitlik elke land op aarde.

Islam is ‘n monoteistiese geloof gebaseer op Mohammed se geskrifte, die Koran. Hulle geloof praktiseer oa vyf  pilare van geloof nl. Geloof, Gebed, Vas, Pelgrimstog en Aalmoese (Liefdadigheid).

Die god wat hulle aanbid Is Allah en Mohammed is sy profeet
Daar is ook ‘n aantal radikale ekstrimistiese fantiese bewegings wat hulle met die Moslem geloof vereenselwig. Hulle hang ook die lering van ‘n heilige oorlog aan, waarin dit reg sou wees om die wat nie in Allah glo nie dood te maak.

Tans word daar, in sommige kringe, groot propoganda gemaak om die Christen geloof en die Moslem leringe te versoen.

Op advertensie borde en deur video word vertel/”getuig” dat Jesus in die Koran te vinde is en dat die Koran Jesus eerbiedig. Wat nie genoem word nie, is dat hierdie Jesus net ‘n profeet en ‘n goeie mens was en nie Christus die Verlosser, die Seun van God  is nie. Hierdie Jesus is ‘n valse jesus en nie die Jesus van die Bybel nie

Nog ‘n veldtog in die verband is die verspreiding van materiaal met die opskrif: “Proof that Muhammed is in the Bible.”  Dit is ook van alle waarheid ontbloot, Mohammed  was eens ‘n Koptiese Christen en toe ‘n ander koers ingeslaan het. Hy het in die jare, ongeveer 600 NC, sy leringe begin versprei.

Baie meer kan oor hulle leringe gesê word, hierdie is selgs om u 'n idee van die geloof te gee.

 

INDIEN U NA DIE MOSLEM GEMEENSKAP WIL UITREIK NEEM DIE VOLGENDE IN AG

Tien reëls om u moslembure met die evangelie te bereik. (Alchris)

 1. GEBRUIK DIE WOORD VAN GOD.   Moslems het groot respek vir heilige geskrifte: die Wet van Moses, Psalms, Evangelies en die Koran. Laat die Woord van God toe om self met hulle te praat. Die Evangelies, veral Mattheus en Lukas, is die beste om mee te begin.

 2. BID GEDURIG.   Dit is die Heilige Gees wat mense vir Christus wen. Soek Sy leiding en krag om die Woord van God aan te bied.

 3. WEES 'N EGTE VRIEND.   Om net vreindelik te wees is nie genoeg nie.  As u regtig om gee, bewys dit met dade: nooi hulle na u huis, spandeer tyd saam met hulle en wees gereed om hulle met probleme te help.

 4. VRA INDRINGENDE VRAE.   "Verwag jy om hemel toe tegaan ?  Het jy sekerheid dat God jou sal aanvaar? Wat sê die Koran omtrent vergifnis? Kan ek jou wys wat die Bybel daaroor sê ? "Vrae soos hierdie sal bewys lewer dat u belangstel in die belangrike sake van die lewe.

 5. LUISTER AANDAGTIG.   Wanneer u 'n vraag gevra het, is dit goeie maniere om na die antwoord te luister ongeag hoe lank dit mag neem.  U sal verbaas wees hoeveel u daaruit sal leer.

6. WEES OPENLIK OMTRENT DIT WAT U GLO.   Stel u geloofsoortuigings oop en eerlik, sonder om verskonings daarvoor te vra.  Wys daarop dat die Skrif u oortuigings ondersteun.  Sodoende plaas u die verantwoordelikheid vir dogma waar dit hoort - op die Woord van God !

7. REDENEER, MAAR MOENIE STRY NIE.   Met 'n argument mag u die saak wen, maar die persoon verloor.  Daar is sekere sake waaroor u vir ewig kan argumenteer sonder om iets te bereik, behalwe om u luisteraar van u te vervreem.

 8. MOET NOOIT VIR MOHAMMED OF DIE KORAN VERKLEINEER NIE.   Dit is vir 'n Moslem net so beledigend as wat dit vir ons is as iemand oneerbiedig van die Here Jesus of die Bybel sou praat.

9. RESPEKTEER HULLE GEBRUIKE EN SAKE WAARVOOR HULLE SENSITIEF IS.   Moet hulle nie beledig deur u Bybel ('n heiligeboek) op die grond neer te sit nie, te familiër met die teenoorgestelde geslag te wees nie, hul gasvryheid te weier nie, of ligsinnig te wees ten opsigte van heilige onderwerpe soos gebed, vas of God nie.

 10. VOLHARD.   Moslems het baie om oor na te dink wanneer hulle met die Evangelie kennismaak.  Wees verseker dat die Woord van God op Sy tyd Sy werk sal doen.

MOENIE DIE KORAN VERKLEINEER NIE.   Dit is vir 'n Moslem net so beledigend as wat dit vir ons is as iemand die Bybel verkleineer.

 

 

DIE WARE EVANGELIE VAN JESUS CHRISTUS - OPSOMMEND  

 

ROM 3:23 - Almal het gesondig, ook jy.                           

ROM 6:23 - Die ewige lewe is 'n vryegawe van God, ook vir jou.

ROM 5:8 - Omdat Jesus ons liefhet, het Hy aan die kruisgesterf en die prys vir ons sonde betaal.
ROM 10:9-10 - Glo met jou hart in Jesus en dat God Hom uit die dode opgewek het en bely dit met jou mond.
ROM 10:13- Vra die Here God om jou te red en Hy sal.
 

KOPIEREG EN REGSTELLINGS:

• Ons is nie bewus van enige kopiereg op inligting gebruik in hierdie blog nie. Indien u oor inligting beskik verwittig ons asb.
• Indien daar enige regstellings op inligting in hierdie blog nodig is, verwittig ons asb.

 



 

 

 

 

ISRAEL VISIE BEWEGING

ISRAEL VISIE BEWEGING

A. ‘n Kort opsomming rakende hulle “geloof”

·         Aanhangers van hierdie lering glo dat die Here God se uitverkiesing tot Israel alleen beperk is. Hulle maak ‘n skeiding opgrond van biologiese afkoms. Die een groep is kinders van God, Sy verbondsvolk en die ander is kinders van die duiwel.

·         Hulle siening is dat die duiwel met sekere vroue gemeenskap gehad het en so is die groep kinders van die duiwel ontstaan. Dit help ook nie om hulle met die evangelie, te probeer bearbei nie.

·         Kain word bv as die eerste kleurling beskou wat deur die saad van satan verwek is. (‘n Soortgelyke sienning as die van Branham –“Jesus only” groep)  Die ander satanistiese afstammeling was Gam en uit hom het die geel volke ontsataan, asook die swart (Kusietiese volke)

·         Twee ander stamvaders van hierdie groep was Ismael uit wie die Arabiese volke ontstaan het en ook Esau. Jakob en Esau was in Rebekka se baarmoeder, die een deur Isak en die ander deur satan.

·         Wat nog ‘n groot rol speel in hulle denke is die verdeling van die stamme. Aan die een kant Juda en Benjamin wat met die afstammelinge van Esau vermeng het en aan die ander kant die ander tien stamme van Israel.

·         Hierdie begrip Israel word dan uitgebrei na al die blanke nasies van die Weste en vandaar die Blanke-Israelisme en Wit Teologie.

·         Met die Babaloniese Ballingskap het Juda sy kroon verloor en was dit oorgedra na Engeland en deur die Britse vorstehuis voortgesit.

·         Woorde soos verbondsland (Berit-aian) dui op Brittanje en die Saxons is Isaacsons (Isak se seuns)

·         Die verlore skape van die huis van Israel waarvan Jesus praat (Matt 10:5-6)word gesien as die blanke volke van Wes-Europa

·         Die verbasterde Jode in Palestina wat vir Jesus verwerp het. Hulle het na Rusland uitgewyk. In die 8ste eeu het die Turkse Khazars hulle tot Judaisme bekeer en met die Russiese Jode vermeng. Die huidige Jode in die huidige land  Israel is dan hierdie verbasterde Khazar-stamme. Hulle is inbeheer van Kommunisme, die Illuminati, die Vrymesselaars en Sionisme. Daar word beweer dat net ‘n kleingroepie Jode in Israel suiwer is, die Sefardim-Jode.

 B. Hulle haal Bybelverse aan en dig dit aan die lande en die stamme van Israel toe:

·         Sebulon – Holland – Gen 49:13, Deur 33:18-19

·         Efriam – Engeland – Gen 49:24, 1 Kon 9:5

·         Manasse – VSA – Gen 27:28-29, Deut 33:13-17)

·         Aser – Frankryk – Deut 33:24, Gen 49:20, Rig 5:17

·         Dan – Denemarke – Gen 49:17

·         Naftali – (Beligië – Gen 49:21, Matt 4:13

·         Juda – Suid Afrika – Jos 15:1&2, Gen 49:11,  Gen 49:9, Klaag 2:13, Klaag 4:7&8 (Vorste wit, maar sal swart word), Dan 12:7 Jes 9:20 Manasse (Amerika), Efriam (Engeland) sal vir Juda (Suid Afrika) onderdruk (Jes 9:20)

 C.  Daar is heelwat leringe oor baster en swart nasies en hul invloed.

·         Leringe dat die swart volkere die diere is met twee bene en die kos van mense eet. Eks 23:11, Eks 9:9. Hulle dien die mens (Jer 27:6) Die mens kan met so ‘n dier geslagsgemeenskap hê (Lev 20:25) Die dier met hande en voete bly ook in stede (Jer 7:20) Die dier dra klere van materiaal en kan met God kommunikeer en berou oor sy sonde hê (Jona 3:8) Vele meer kan nog gesê word. Dit is hierdie diere waaraan SA oorgegee sal word Jes 18:6

 D. Slegs die Hebreeuse name vir God mag gebruik word.

·         Die naam Jesus kom van die Griekse mitologie af Jesus is Je Zeus (seun van Zeus)

·         In hul geskrifte verwys hulle slegs na Yahweh ,Elohim, Yashua en Messiah

 E. Wedergeboorte dui op fisies uit God gebore (in teenstelling met fisies uit satan gebore)

 F. Hulle staan ook die leringe van Lukas en Paulus teen.

Dr N A Burger van die Talita Koemi- gemeenskap in Newcastle sê ondermeer:

·         Paulus het geen gesig gesien nie, maar aan sonsteek gelei.

·         Hy was ook nie ‘n onderhouder of kenner van die wet nie

·         Hy het sy eie evangelie begin, vry van die besnydenis en die wet.

·         Lukas sluit by Paulus aan en gaan op verbeeldingsvlugte

·         Paulus weerspreek die Messsiah self

 Daar is veel meer wat hulle leer, maar ek volstaan hiermee en heg die volgende artikel aan:                                                                             

Geskryf deur Prof. Gerrit Smit

Wie is die Israelvisie en wat leer sulke mense? Kom saam en leer oor die dwaling wat homself voordoen as die Israelvisie of die Israelhipotese

Hulle noem hulself die Israelwaarheid, maar 'n blinde kan met 'n stok aanvoel dat hierdie dwaalleer alles behalwe die waarheid is. Die Israelvisie is ‘n dwaling. In tye van swaarkry en in tye van moedeloosheid is mense geneig om meer by dwalings en valse strome aanklank te vind, omdat daardie groepe meestal die Bybel so interpreteer dat dit “belangegroepe” nader lok. So is die huidige politieke klimaat in SA die ideale broeiplek vir die leer van die Israelhipotese onder die Afrikanervolk. Teen die middel vyftigerjare van die vorige eeu was daar reeds meer as 2 miljoen aanhangers van hierdie dwaling wêreldwyd. 

WIE IS HULLE?

Aanhangers van die soort dwaling is mense wat meestal deel is van die bestaande kerke, maar verkondig hulle leer onderlangs, of stilweg in die gemeentes. Die Israelvisie is ‘n versamelnaam vir ‘n verskeidenheid van groepe, wat die bedenklike leer aanhang dat God se verkiesing beperk is tot sekere volke en rasse en ander volke en rasse uitgesluit is uit die genadeverbond. Hierdie groepe probeer bewys dat hulle direkte afstammelinge van Israel is (die verlore tien stamme), en dat alle ander volke nie deel het aan God se genade nie, en derhalwe nie die ewige lewe kan erf nie. Vraag: Wat is die grondfout wat hierdie dwaling maak? 

DIE “HERRENVOLK”

Die Israelvisie gaan van die standpunt uit dat God sekere volke op nasionale vlak seën, nie op grond van sy genade of op grond van hulle gehoorsaamheid nie, maar op grond van die afstamming van ‘n sekere uitverkore volk. Gevolglik vind hulle sterk aanklank by mense wat patrioties-gesind is, en antwoorde soek op die verwarde wêreld waarin hulle polities verontreg voel. Die Israelvisie maak daarop aanspraak dat hulle die kern van die Westerse Blanke Protestantse Nasie van vandag is, en dat hulle derhalwe die “Herrenvolk” (die Here se Volk) is. 

BEOORDELING: ‘N VALSE GERUSTHEID

Verkondigers van die Israelvisie dwaling lê eensydig klem op “race” in plaas van “grace”. Op grond van Mattheus 24:14 glo hulle dat hulle geroep is om hierdie “nuwe” evangelie te verkondig. Hulle meen dat Hab. 1:14-17 direk op hulle van toepassing gemaak word as “jagters en vissers” wat Israel uit hulle skuilplek moet opjaag, dit wil sê Afrikaners bewus maak dat hulle uitverkorenes is omdat hulle deel het aan oer-Israel. Deeglike eksegese toon egter dat hierdie “jagters en vissers” die vyande van Israel was! 

DIE OORSPRONG VAN DIE ISRAELHIPOTESE

Die Israelvisie is afkomstig van die Brits-Israel beweging wat in Brittanje baie mense onder hulle valse leringe meegesleur het. Waar die Brits-Israel beweging vandaan kom en wanneer hulle oorsprong was weet ons nie, maar ons weet dat hulle al etlike eeue bestaan. Hulle het natuurlik hulle eie hipotese vanwaar hulle kom. Ons let daarop:Volgens ‘n ou Ierse oorlewering het ‘n bejaarde profeet eendag voet aan wal gesit in Ierland, en hy was vergesel van ‘n prinses en ‘n geheimsinnige klip. Die Ierse koning Hermon het dadelik verlief geraak op die prinses, en die profeet gaan vra om haar hand. Na baie eeue het die opvolgers van koning Hermon uit die huwelik met die prinses, Skotland en Brittanje verower, en die mag in Brittanje tot vandag toe behou.  Wie was hierdie profeet, en watter klip het hy by hom gehad? Die Brits-Israel beweging sê dit was niemand anders as die profeet Jeremia, wat na die verwoesting van die tempel in 585 vC met koning Sedekia se dogter na Europa gevlug het nie. En die klip was die klip waarop Jakob geslaap het toe hy die droom by Bet El gehad het, en Jeremia het die klip saamgebring, en van hierdie tyd af word die vorste van Engeland op die “verbondsklip” gekroon. Die huis van Dawid regeer dus nou nog in die vorstehuis van Engeland, en alle blankes is afstammelinge van die tien stamme van Israel. Die blanke ras kan nou aanspraak maak op God se beskerming, hulle sal altyd onoorwinlik wees in die oorlog, ryk en welvarend wees. Hierdie standpunte kom natuurlik ooreen met die van die Israelhipotese omdat hulle een en dieselfde wortel het vir die totstandkoming van die dwaalleer. Ons gaan vandag net die Bybel ondersoek vir tekens van wat van die tien stamme van Israel geword het, en of hulle nie dalk regtig nog iewers voortbestaan nie. 

HISTORIESE OORSIG OOR DIE TIEN STAMME

Om die antwoord op die verdwyning van die tien stamme te soek, moet ons ‘n paar feite in gedagte hou.

• Lees 2 Kon 17:6 – Die tien stamme is in 722 vC na Assirië weggevoer deur die Assiriërs, wat hulle laat woon het in Halag en aan die Habor, die rivier van Gosan en in die stede van Medië.
• Die verlof om terug te keer na Israel is eers in 537 vC deur Kores van Persië gegee, sodat Israeliete wat wou terugkeer na Israel na die Assiries-Babiloniese ballingskap vry was om so te maak (2 Kron. 36:22-23; Esra 1:3; 2:70; Eseg 47:13)
• Die tien stamme (Noordryk) was dus reeds 200 jaar weg uit hulle land, voordat hulle weer kon terugkeer, terwyl Juda (Suidryk) hoogstens 60 jaar weg was. Daar was nog onder die van Juda mense wat kon onthou hoe die tempel gelyk het (Esra 3:12)
• Dit is onlogies om te dink dat na 200 jaar van ballingskap, nadat etlike geslagte al in Assirië gebore is, almal sou wou terugkeer na Jerusalem. Hulle het reeds daar wortel geskiet en gevestig.
• Daar was egter ook van die tien stamme wat teruggekeer het na Israel (Esra 2:59-60). Die ballinge uit Juda sou tog geweet het as hulle deel is van Juda (na 60 jaar), maar die van die Noordryk sou bes moontlik nie kon bewys dat hulle deel van Israel is nie.
• Esra 2:64 en Nehemia 7:66 stel die getal teruggekeerdes op 42 360, wat baie meer is as wat Juda op daardie stadium kon wees. Ons moet ook onthou al die Jode het nie teruggekeer nie. Baie het agtergebly en ondertrou en is opgeneem in die Babiloniese volk.
• Die teruggekeerdes word aangespreek as “huis van Israel” (Neh 9:1). Na die ballingskap is 12 bokke volgens die getal van die stamme van Israel geoffer (Esra 6:17)
• 1 Kron. 9:3 maak melding van die seuns van Efraim en Manasse wat in Jerusalem woon. Dit is na die ballingskap geskryf!
• Anna, ‘n profetes in Jerusalem in die tyd van Jesus se geboorte is uit die stam van Aser (Luk 2:36)

ONS KAN NOU 2 GEVOLGTREKKINGS MAAK:

1)      Dat almal wat teruggekeer het uit die ballingskap die “kinders van Israel” genoem is, soos wat hulle genoem is voor die skeuring van die Ryk na Salomo se dood. Daar was dus ‘n deel van die tien stamme onder hulle. Hulle is dan vandag die moderne Jode.

2)      Die deel van die tien stamme wat nie teruggekeer het nie, is opgeneem in die heidense volke onder wie hulle gewoon het Waar is die tien stamme dan vandag? Nêrens nie.  kan hulle nie meer as aparte groep uitwys nie. Die wat nie in ballingskap gegaan het nie, het in elk geval verbaster in Samaria en het die Samaritane gevorm (2 Kon. 17:24) 

DUS

Daar is dus histories en Bybels geen bewys dat die tien stamme van Israel vandag in die Afrikaner of enige ander volk voortleef nie. Elkeen wat in God glo, het deel aan sy volk.

 

SKRIFBESKOUING

Die verskynsel dat verskillende gelowiges na dieselfde gedeeltes van die Bybel kyk en verskillende interpretasies daaruit haal, noem ons die Skrifbeskouing van gelowiges.  Die Skrifbeskouing van die Israelhipotese is egter twyfelagtig, omdat hulle net sekere verse met ander vergelyk om op die end ‘n teorie te ontwikkel oor die uitverkiesing van volke wat vreemd aan die Bybel is.

Alhoewel die Ou-Testamentiese profesieë reeds in vervulling gegaan het, is die hoeksteen van dié dwaling die opvatting dat die profesieë van die Ou Testament letterlik in die huidige bedeling (vir hulle) vervul sal word.  Die probleem is dat nêrens in die Bybel word gesê dat die Ou-Testamentiese profesieë op een tydstip letterlik in vervulling sal gaan nie, en ook word daar nie aangedui dat die beloftes aan Israel op enige tydstip aan die Blanke ras oorgedra is nie. Die AP Kerk het alreeds tydens sy derde sinodesitting in 1989 sy kommer oor die Skrifbeskouing van die Israelvisie soos volg uitgespreek: “Die sinode wys die Israelvisie se Skrifhantering af, omdat vanuit ‘n vooropgestelde fundamentalistiese wyse van die Bybel vir ‘n biblisistiese bewysvoering gebruik word onder ‘n skyn van vroomheid en Skrifgetrouheid”. Die aanhangers van die Israelvisie word bitter moeilik oortuig van hulle dwaling, omdat hulle gekondisioneer word om te glo dat hulle interpretasie van die Bybel die waarheid is. Daar kan ook baie moeilik op grond van die Bybelse wetenskap met hulle geredeneer word, want, so sê hulle “die Gees lei alle kinders van die Here, en nie net teoloë nie”.

Elkeen wat die Here liefhet, kan die Bybel verstaan. Ons moet egter nie so eiewys wees dat ons dink ons is altyd reg, sonder om ons standpunt te toets aan die wetenskap van die Bybel en dié van ander opregte gelowiges deur die eeue nie. Daarom is die belydenisskrifte van 'n kerk so kosbare skat. Hierin kan ons ons standpunt toets aan dié wat ons voorgegaan het. 

 

DIE ISRAELVISIE SE STANDPUNT OOR DIE APOKRIEWE BOEKE VAN DIE BYBEL

Iemand wat al met die Israelvisie paaie gekruis het, sal bewus wees daarvan dat hulle groot klem lê op die apokriewe boeke.  

WAT IS DIE APOKRIEWE BOEKE?

Die woord apokrief is aan die Grieks ontleen en beteken: verborge. Dit word gegee aan ’n aantal geskrifte wat nie in die Hebreeuse Kanon voorkom nie, maar wel in die Septuagint (LXX) en die Vulgaat. Hulle is ook in Luther se Bybelvertaling opgeneem. Die naam apokriewe is deur die kerkvaders gebruik vir boeke wat verborge gehou is, dit is wat aan die openbare gebruik onttrek is, óf omdat hulle van groot waarde was en dus as geheime boeke net aan die ingewydes bekend was, óf omgekeerd omdat hulle minderwaardig geag is. So is daar ’n onderskeid gemaak tussen boeke wat wel en boeke wat nie in die kerklike godsdiensoefeninge voorgelees is nie. Lg. was apokrief. Die Roomse Kerk noem dié boeke nie apokriewe nie, maar deuterokanoniek of 2de kanon. In hul aanvaarding van die boeke as deuterokanoniek, volg hulle die kerkvader Augustinus (384–430) na. Die kerk van die Hervorming het na die standpunt van Hieronymus (348–420), die outeur van die Vulgaat, teruggekeer. Die apokriewe is ook in die State vertaling opgeneem, maar dan agter die boeke van die N.T. en daarvan geskei d.m.v. ’n aantal skoon bladsye. Dit word ook voorafgegaan deur ’n waarskuwing aan die leser. Die apokriewe is nie deel van die Heilige Skrif nie, omdat daarin nie gemeld word dat hulle die Woord van die Here is nie, die inhoud dikwels teenstrydig is met wat die Heilige Skrif leer en omdat die Here Jesus nie oor dié boeke praat nie, maar wel aanhaal uit die boeke van die Hebreeuse Ou Testament. Buitendien blyk dit uit Luk. 11:51 en 24:44 dat die Here Jesus, alhoewel hy die LXX geken en gebruik het, hom slegs beroep het op die Hebreeuse Ou Testament, waarin die apokriewe boeke ontbreek. Naas die apokriewe boeke van die O.T. bestaan daar ook apokriewe geskrifte rondom die N.T. Daaronder word geskrifte oor of om Jesus en figure uit die apostoliese tyd verstaan wat in latere eeue as aanvulling geskryf is by onvoldoende mededelings in die N.T. Vroom fantasieë wat nie genoeg uit die Skrif kon put nie, of meer besonderhede wou hê oor dit wat in die Skrif meegedeel is; begeertes om eie opvattings onder die naam van die apostels te laat inslag vind, het ’n groot rol gespeel in die ontstaan van dié apokriewe geskrifte. Mense het begeer om te weet hoe die jeug van Jesus was; hoe die verlore brief aan Laodicéa gelui het; wat die apostels nog gedoen het behalwe dit wat oor party van hulle in die Handelinge vertel word; toekomsverwagting en askese het hulle van dié middel voorsien om vir hul eie tyd te preek. Dié apokriewe geskrifte het veral sedert die 4de eeu, spesifiek gedurende die Middeleeue, ’n geweldige invloed gehad.

WAT LEER DIE NUWE TESTAMENT?

In die Nuwe Testament leer ons dat God die Jode as uitverkore volk verwerp, omdat hulle die Messias verwerp het, en dat Hy die nuwe Israel uitkies. Dit is hulle wat nie aan ‘n sekere volk behoort nie, maar aan God behoort deur geloof in Christus (Rom. 2:11,28-29; 5:1; 9:1-5; 11:1-2a,7; Gal.3:7,26). Sigbaar is daar nog verskille tussen hulle: hulle leef nog steeds in verskillende tydvakke; hulle leef nog steeds verwyder deur landsgrense van mekaar, verskil in kultuur, taal, ras, volk en behoeftes. Maar onsigbaar behoort hulle almal aan die Here (Ef. 4). Dit is die verskil tussen die sigbare en die onsigbare kerk. Alhoewel sigbare eenheid op sig self nie sonde is nie, is die bedoeling van die Bybel nie om die verskille op te hef ter wille van sigbare eenheid nie (‘n man word mos nie ‘n vrou as hy tot bekering kom nie, net so verander die mens mos nie van volk as hy in Christus glo nie). Die verskille staan egter nie in die pad van onsigbare eenheid nie.

Eie opmerking – “Die Here God het nog ‘n doel met die volk van Israel in die toekoms”

·         Hand 15:16 Daarna sal Ek terugkom en die vervalle hut van Dawid weer oprig, en wat daarvan verwoes is, sal Ek weer oprig en dit herstel,”

·         Rom 11:25 Want ek wil nie hê, broeders, dat julle hierdie verborgenheid nie moet weet nie, sodat julle nie eiewys mag wees nie: dat die verharding ten dele oor Israel gekom het totdat die volheid van die heidene ingegaan het;”

SAMEVATTING

Die Israelvisie verkondig dus 'n valse leer wat in stryd is met die leer van die Bybel. Hierdie dwaling moet teëgestaan word, en gelowiges moet baie bedag wees daarop om hulle nie met hierdie mense op te hou nie. Die Israelvisie moet nie as 'n Christelike sekte beskou word nie, maar as 'n valse godsdiens wat die genade van ons Here Jesus Christus verwerp.

Baie van die dwallinge wat hier voorkom kan ook in ander soortgelyke groepe opgemerk word (My eie byvoeging)

 Bronne wat geraadpleeg kan word:

·         Prof JS Malan en Ds E Sevenster - Israel Visie Dwaling Ontmasker

·         Prof. Gerrit Smit - Die Israelvisie

·         Internet 

 

 

DIE WARE EVANGELIE VAN JESUS CHRISTUS - OPSOMMEND 

 

ROM 3:23 - Almal het gesondig, ook jy.                           

ROM 6:23 - Die ewigelewe is 'n vryegawe van God, ook vir jou.ROM 5:8 - Omdat Jesus ons liefhet, het Hyaan die kruisgesterf en die prys vir ons sonde betaal.
ROM 10:9-10 - Glo met jou hart in Jesus en dat God Homuit die dode opgewek het en bely dit met jou mond.
ROM 10:13- Vra die Here God om jou te red en Hy sal.
 

KOPIEREG EN REGSTELLINGS:

• Ons is nie bewus van enige kopiereg op inligting gebruik in hierdie blog nie. Indien u oor inligting beskik verwittig ons asb.
• Indien daar enige regstellings op inligting in hierdie blog nodig is, verwittig ons asb.